Versuri - Versuri.ro
Versuri melodii artisti internationali
Versuri Linton Kwesi Johnson - Reggae Fi Dada
Versuri-versuri.ro > Versuri Litera L > Versuri Linton Kwesi Johnson > Unknown - Reggae Fi Dadagalang dada
galang gwwaan yaw sah
yu nevvah ad noh life fi live
jus di wan life fi give
yu did yu time pan ert
yu nevvah get yu jus dizert
galang goh smile inna di sun
galang goh satta inna di palace af peace
o di waatah
it soh deep
di waatah
it soh daak
an it full a hawbah shaak
di lan is like a rack
slowly shattahrin to san
sinkin in a sesa af calamity
where fear breed shadows
dat lurks in di daak
where people fraid fi waak
fraid fi tink fraid fi taak
where di present is haunted by di pass
a deh soh mi bawn
get fi know bout staam
learn fi cling to di dawn
an wen mi hear mi daddy sick
mi quickly pack an tek a trip
mi nevvah have noh time
when mi reach
fi si noh sunny beach
wen mi reach
jus people a live in shack
people livin back-to-back
mongst cackroach an rat
mongst dirt an dizeez
subjek to terrorist attack
political intrigue
kanstant grief
an noh sign af relief
o di grass
turn brown
soh many trees
cut doun
an di lan is ovahgrown
fram country to toun
is jus tissel an tawn
inna di woun a di poor
is a miracle ow dem endure
di pain nite an day
di stench af decay
di clarin sights
di guarded affluence
di arrogant vices
cole eyes af kantemp
di mackin symbals af independence
a deh soh mi bawn
get fi know bout staam
learn fi cling to di dawn
an wen di news reach mi
seh mi wan daddy ded
mi ketch a plane quick
an wen mi reach mi sunny isle
it woz di same ole style
di money well dry
di bullits dem a fly
plenty innocent a die
man
- Charger Treble - Dress
- Michael Bublé - When You're Smiling
- Doug Anthony All Stars - Breathers
- Billie Piper - Thank Abba For The Music
- K-1 Royal - Emily
- Yvonne Breathnach - The House where I was born
- Yvonne Breathnach - The House where I was born
- Snow - You Can Do Anything
- Alexisonfire - 44. Caliber Love Letter
- Alexisonfire - 44. Caliber Love Letter
- Cradle Of Filth
Nume Album : From The Cradle To Enslave - Bee Gees
Nume Album : Size Isn't Everything - Elastica
Nume Album : Unknown - Ron Stewart
Nume Album : Unknown - Renaissance, The
Nume Album : Ashes Are Burning