Versuri - Versuri.ro
Versuri melodii artisti internationali
Versuri Burns Robert - The Battle Of Sherramoor
Versuri-versuri.ro > Versuri Litera B > Versuri Burns Robert > Miscellaneous - The Battle Of SherramoorThe Battle of Sherra-moor
(Robert Burns)
'O, cam ye here the fight to shun,
Or herd the sheep wi' me, man?
Or were ye at the Sherra-moor,
Or did the battle see, man?'
'I saw the battle, sair and teugh,
And reekin-red ran monie a sheugh;
My heart, for fear, gae sough for sough,
To hear the thuds, and see the cluds
O clans frae woods, in tartan duds,
Wha glaum'd at kingdoms three, man.
La, la, la, la, etc.
'The red-coat lads wi black cockauds,
To meet them were na slaw, man;
They rush'd and push'd, and bluid outgush'd,
And monie a bouk did fa', man!
The great Argyle led on his files,
I wat they glanc'd for twenty miles;
They hough'd the clans like nine-pin kyles,
They hack'd and hash'd, while braid-swords clashed,
And thro they dash'd, and hew'd and smash'd,
Till fey men died awa, man.
La, la, la, la, etc.
'But had ye seen the philibegs,
And skyrin tartan trews, man;
When in the teeth they daur'd our Whigs,
And Covenant trueblues, man!
In lines extended lang and large,
When baig'nets o'erpower'd the targe,
And thousands hasten'd to the charge,
Wi' Highland wrath and frae the sheath
Drew blades o' death, till, out o' breath.
They fled like frightened dows, man!'
La, la, la, la, etc.
'O how Deil, Tam, can that be true ?
The chase gaed frae the north, man!
I saw mysel, they did pursue
The horseman back to Forth, man:
And at Dunblane, in my ain sight,
They took the brig wi' a' their might,
And straught to Stirling wing'd their flight;
But, cursed lot! the gates were shut,
And monie a huntit poor red-coat,
For fear amaist did swarf, man!'
La, la, la, la, etc.
My sister Kate came up the gate
Wi' crowdie unto me, man:
She swoor she saw some rebels run
To Perth and to Dundee, man!
Their left-hand general had nae skill;
The Angus lads had nae good will
That day their neebors' bluid to spill;
For fear, by foes, that they should lose
Their cogs o brose; they scar'd at blows,
And hameward fast did flee, man.
La, la, la, la, etc.
'They've lost some gallant gentlemen,
Amang the Highland clans, man!
I fear my Lord Panmuir is slain,
Or in his en'mies'hands, man.
Now wad ye sing this double flight,
Some fell for wrang, and some for right,
But monie bade the world guid-night;
Say, pell and mell, wi muskets' knell
How Tories fell, and Whigs to Hell
Flew off in frightened bands, man!
La, la, la, la, etc.
tune: Cameronian Rant (308)
@Scots @battle @war @Civil
filename[ SHRRAMUR
play.exe SHRRAMUR
ARB
===DOCUMENT BOUNDARY
- Dispath - Elias (Live In Studio)
- ALISON KRAUSS AND UNION STATION - Ghost In This House
- Megan Slankard - Radio Blues
- Townshend Pete - White City Fighting
- Townshend Pete - White City Fighting
- Ray Thomas - LOVE IS THE KEY
- Marshall Crenshaw - Starlit Summer Sky (demo, 1979)
- Grateful Dead - Keep On Growing
- Grateful Dead - Keep On Growing
- Cop Shoot Cop - Everybody Loves You
- Donnas, The
Nume Album : American Teenage Rock c120nc120 Roll - Kool G. Rap And Dj Polo
Nume Album : 4, 5, 6 - Pro DJ - S
Nume Album : Unknown - Clancy Brothers
Nume Album : Miscellaneous - Agents Of Good Roots
Nume Album : Wherec120d You Get That Vibe